ആധുനിക ഗ്യാസ് ക്രിമിറ്റോറിയം കടയ്ക്കൽ ഗ്രാമ പഞ്ചായത്ത്

കടയ്ക്കൽ ഗ്രാമ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി, 1.75 കോടി രൂപ ചെലവഴിച്ച് ആധുനിക സാങ്കേതിക സംവിധാനങ്ങളോടു കൂടി ഗ്യാസ് ക്രിമിറ്റോറിയവും അനുബന്ധ സൗകര്യങ്ങളും പൊതു ജനങ്ങൾക്കായി തുറന്നുകൊടുത്തിരിക്കുന്നു. പരിസ്ഥിതി സൗഹൃദവും ശുചിത്വവും ഉറപ്പാക്കുന്ന രീതിയിൽ രൂപകൽപ്പന ചെയ്ത ഈ ക്രിമിറ്റോറിയം, നാട്ടുകാരുടെ അടിസ്ഥാന ആവശ്യങ്ങൾ നിറവേറ്റുന്നതിനോടൊപ്പം, ഗ്രാമ പഞ്ചായത്തിലെ സാമൂഹിക ഉത്തരവാദിത്തത്തിന്റെ ഉദാഹരണവുമാണ്. ഈ പദ്ധതി, കടയ്ക്കൽ ഗ്രാമ പഞ്ചായത്തിലെ ജനങ്ങൾക്കു മാത്രമല്ല, സമീപ പഞ്ചായത്തുകളിലെയും നിവാസികൾക്കും സേവനം ലഭ്യമാക്കുന്ന തരത്തിലാണ് നടപ്പിലാക്കിയിരിക്കുന്നത്. ആധുനിക ഗ്യാസ് സംവിധാനങ്ങൾ, കാത്തിരിപ്പ് ഹാളുകൾ, വിശ്രമ സൗകര്യങ്ങൾ, ശുചിത്വ സൗകര്യങ്ങൾ എന്നിവ ഉൾപ്പെടുത്തിയതിനാൽ പൊതുജനങ്ങൾക്ക് ഏറെ സൗകര്യപ്രദമായ അന്തരീക്ഷം ഒരുക്കിയിരിക്കുന്നു. ആധുനിക ഗ്യാസ് ക്രിമിറ്റോറിയത്തിന്റെ സ്ഥാപനം വഴി, പരമ്പരാഗത രീതികളിൽ ഉണ്ടായിരുന്ന പരിസ്ഥിതി പ്രശ്നങ്ങൾക്കും, സമയ നഷ്ടങ്ങൾക്കും ഒരു നീണ്ടകാല പരിഹാരം കണ്ടെത്താനായി. പൊതുജനങ്ങൾക്ക് മാന്യവും കാര്യക്ഷമവും ആയ സേവനം നൽകുന്നതിനാണ് പഞ്ചായത്തിന്റെ പ്രധാന ലക്ഷ്യം.

Tags:

Uploaded on: 14 September, 2025